|
|
***事先聲明::
1)呢篇野係我CHEUNG HIU MAN經過左5日OB之後既個人感受
2)有好多野係由我自己既角度去出發去諗既 同其他teammate諗既未必一樣
3)我希望我既teammate可以睇晒我呢篇野 雖然可能有d長有d辛苦
但我希望你地可以做番一個review 諗番自己呢5日做過既野
4)我希望我既teammate一路睇我篇野 可以一路諗下響我做緊呢樣野既時候
到底自己做緊d咩 到底自己諗緊d咩 你果時有d咩感受
5)呢篇野我好簡單地將所有我經歷過而記得既野講出黎 有咩錯漏可以同我講~
6)呢篇野所打既真係我既經歷 我feel到既野 我希望我將個事實打出黎
大家唔會介意 如果大家mind既可以同我講
7)版權所有 唔好亂咁copy 最好問左我先~
8)呢篇野其實我打左好多個夜晚啦 所以可能比較亂比較怪 大家睇唔明可以問我~
9)同埋呢篇野我真係好俾心機打嫁 希望大家俾d心機睇 唔好浪費我既心血啦
10)希望大家可以睇得開心=D
11)希望......SCOTT既大家可以繼續keep住我地既精神:)
12)大家睇睇下有咩feeling想同人分享既可以隨時搵我
13)大家多d搵我啦 我呢排好苦悶呀/__\
--
19.07.2010 day1
一朝起身就沖涼因為黎緊5日都無得沖
一路緊張一路去outward bound
途中撞到jaime 於是陪佢等埋青蛙先一齊去大學
轉708B去麥邊再轉taxi
響麥邊等左10<X<20架taxi都上唔到
終於..........有一部係可以搭ORZ
0930開始 我果group仲有兩個人未到!?
宜家諗番 先知果兩個係neo同nicky-__-
兩個coach係LARS同ODY(!?)
之後介紹自己個名同一個動作
oh我超奇怪囉好唔好/__\
因為我想做跳舞既動作但我又驚大家做唔到/__\
(其實我真係想做一字馬=P)
btw 我果組有8個人
andrew fung justin ivey kin neo nicky同我~
我地著晒救生衣之後出左海去游一游水
原來好難游@@游得好慢
之後大家拖住手潛下水/__\
我潛左兩秒就頂唔順上番上@@因為d水好鹹
唉 我係一個poor swimmer sorry~
游左一陣就用海龍既方式游番番去岸邊
原來著住晒所以衫褲去游水既感覺好有趣=P
食完lunch就搬d kayak出海
我同左andrew一組 因為廢事兩個女仔搞唔掂
點知划左兩野就話要轉做hiking course
但大家都想練一練反艇
其實我同ivey都未prepare好就反左艇啦@@
oh 喝左超多海水 鹹到我想嘔
上番水就洗野+執野上山
勁慘 d kayak全部要拎晒去洗過晒之後再搬番晒上去
我地執左超耐 執到差唔到5/6點先搞掂
我地每個人都要揹一個勁重既袋
我地每人一定要帶一個4L既水桶再加一個1L水樽
同埋知道原來一個青年人可以揹自己體重1/5既袋
而我自己就好似揹左一個大約15-18kg既袋
(番到黎屋企計一計先知原來我個袋超左重@@)
不過諗大家個袋都係超左重嫁啦 所以辛苦d都緊要啦
雖然開頭真係差d拎唔起個袋@@
之後我地就番上去還番d我地唔要既野
有樣野我想講 不過可能會有d唔係咁好=P
其實...第一日唔知點解仲未認得晒大家
雖然大家各有特徵 理應我可以好快認晒
但係有一個人..........我記左好耐先記到....果個係neo呀sorry/__\
唔知點解我成日都唔認得佢係我既組員=P (sorry~sorry~sorry~sorry~)
之後我地就離開outward bound個base啦
一路行行行去我地dinner既地方
第一日身為navigator既我
同ivey行最前 一路行 都唔知幾時會去到@@
行行行 終於都到左 果到黑到乜都睇唔到
多得andrew作為我地既大廚
原來得andrew同neo係識得煮野食@@
不過好彩我呢個賢良淑得既人都識得切下菜=P(偷偷地讚自己~~)
結果第一晚既dinner就係食飯/食腸/食蟹柳/食雞柳
食完去左公廁洗碗啦(*我地係全部人入晒男廁洗)
洗洗下 ivey無啦啦大叫左一聲之後拉左我走
原來係neo走左去去廁所但無入廁格@@嚇死我
洗完又番番去執野走人 justin好似唔見左隻叉(!?)
我地今晚要上去雷打石 大約300幾米
不過大家都未試過夜晚行山 感覺上怪怪地咁@@
一開始係我做頭 我戴住個頭燈一路行一路行
因為我怕黑 一路行見到d黑影會好驚
同埋行第一個想行快d既同時又想大家可以close d
結果就搞到自己勁支力 不斷咁行下停下 sorry呀
所以我同ivey都係轉番做後面會好d
之後我地又繼續行 越行越辛苦 時間又過得越黎越快
而我又將我個頭燈借左俾人
結果我就不斷咁踢到野 又不斷咁仆下仆下咁
多得ivey響我後面周不時照下我
justin響我前面幫下我 又同唔知邊個傾計
我仲記得我聽到佢講ray allen高比同KG,etc.
哈~等我聽下既時候分散下d注意力無咁易支力
同埋仲有neo轉左企響我前面既時候
得閒會轉過黎睇下我得唔得同埋幫下我:)
唔該晒大家-v-
不過我地行極都未行到 又唔知自己行到邊/__\
oh我呢個讀Geog既人真係好慚愧-_-
好彩lars同ody話我地知 如果唔係就行錯路啦
行又行 行又行 d級每級都大級到到我腰咁高
多得neo提下我點行又周不時拉下我 終於行得到呢段路
不過其實行極都未到真係會超灰心
但響我最灰心果時 我地終於都到我地既目的地啦~~~!!!
果時係2am XD 哈哈同LARS既expectation一樣@@
呼~ 一上到去 坐低左就唔想起身
因為真係超級支力 但又好舒服~
lars同ody傾過之後就話我地第2朝要5點起身
所以廢事開個tent啦 直接訓就算
但其實呢晚我一d都訓唔著
雖然支力 但就係因為我好支力
我個腦不斷咁諗野 搞到我完全訓唔到
因為我諗既係..第一晚已經咁辛苦 咁我點挨5日呀/__\
我到底支唔支持到呢5日 會唔會中途放棄
我到底呢5日會遇到d咩野呢!?
但響果時 我望上個天上面
哇!真係超靚呀 個天超清 超多星星
oh 西貢既夜空真係好靚:)
睇睇下 好似訓過一陣 但最多都係得一個鐘
之後就凍到醒左 搵左好耐先搵到件風嬲
但點知著完都係凍/__\sosad
之後ivey話佢好凍 我就攬住ivey等佢無咁凍
之後就一路無訓過啦~~
而呢一日就都差唔到完啦:)
(其實第一日記得既野真係唔多=P)
---
20.07.2010 day2
5點果時唔知係咪咩鬧鐘響 但係佢響左好耐都係無人理
得我同ivey仲有justin(!?)坐左起身
其他個個都仲訓緊@@
一係d男仔就醒左坐一坐 又訓番低再訓過/__\
搞到差唔多5點半 Lars同ody都醒左
之後lars過左黎問邊個有收音機
(我係keep收音機果個啦)
佢就叫我聽下今日既天氣報告
但我心諗...881同903再要等到6點先聽到@@
6點聽完話今日大致天晴 比較大風之後
d男仔終於開始醒啦@@
醒晒之後大家就食早餐啦~
今朝既早餐係食白麵包+花生醬+煉奶(!?好似)
但係唔知係D麵包壓到扁晒定咩原因/__\
我食左一塊麵包就想嘔同埋超級飽@@
但又驚俾人發現我無乜點食野 所以我就繼續企響到扮食野-V-
大家食完執埋野就又起行lu
今日係我同nicky做leader
我將帶路既工作交左俾nicky~~等佢有d野做下~
朝早我同nicky同lars傾條route既時候
本身係打算10點去到嶂上
點知行到9點到都未行到成條路既1/3(!?)
於是Lars就suggest我地去另外兩個既目的地
而由於我地d食用水都去得幾快
所以我地點都要響10點之前去到一個有水源既地方
我地行行行行行行 不斷咁趕過去
終於10:10去到一個有水源既地方
於是我地就拎個水泵去泵水
真係辛苦晒d男仔 見佢地泵得勁辛苦
特別係justin 泵到d肌肉都不斷咁郁@@
而我呢d無乜野做既人 得閒就幫佢地hold個水桶
又或者係幫佢地拎下蚊怕水蚊藥膏同埋幫佢地查~
但係...我坐響條river隔離幫佢地hold水桶既時候
一個唔小心就踩左兩隻腳落水!!!!!!/_______\
oh!結果我兩隻腳都濕晒sosad
過左一陣 ody話佢搵到一個比較平坦又有水源既地方
於是大家又執晒d野行過去~
過到去既時候 班男仔已經落晒去條river到玩囉-3-
之後大家搞多左陣 差唔多12點既時候就開始煮lunch啦
andrew kin neo同我幫手煮野食~
是日午餐係白汁洋蔥吞拿魚意粉:)
其實我都唔知自己幫手做左d咩@@
不過呢餐真係唔該晒ody!!
又幫我地搞d意粉 又搞d白汁
仲要幫我地煲d溪水黎做食用水喎
thank you ody~
之後因為煲完既係熱水
唔知邊個咁聰明 拎晒d水樽落去river到沖凍d水佢
佢地擺到d水樽超搞笑 我覺得好係賣水咁
而d男仔一路都響到玩水一路響到泵水
同埋講真其實真係好難泵 泵左2個鐘先泵到1L水
辛苦晒你地啦男仔~~
(其實我都試過泵嫁~不過泵得一兩滴水/__\)
唔知做咩 食完野之後個個搶晒d野去做
我...竟然變左冗員!?(搞錯.\/.)
不過好彩 原來做緊冗員既唔只我一個~
哈~~neo都企左響到無野做~~
但因為無乜野做 於是我就聊neo傾計
而更難得既係佢又肯睬我 =D
(發現原來我同佢都整濕左隻腳@@)
同佢傾傾下發現佢係打波
但係因為無得去korea交流所以黎左ob
唔緊要啦~ob都幾好玩嫁~~~~~:)
如果你無黎既~你就識唔到我地呢班fd啦~=D
之後hea下hea下 大家玩下玩下水就2點lu
ody趕晒我地去訓 因為佢自己都想訓一陣=P
個個都走晒去訓既時候
我自己就用左一個鐘去執個袋 d野亂到呢@@
執完已經3pm lu 之後走左過ivey隔離訓低左
但其實我都唔打算訓嫁啦 諗住訓低休息下嫁姐
3點半我就起左身去條河到濕條毛巾黎抹下身同面
呼~~~~~真係超舒服呀-v-
15:45叫醒晒所有人 一隻二隻都好似唔想起身咁-_-
好彩我無訓著到 如果唔係起身真係超痛苦/_\
分晒水 執晒野 大家就坐低同LARS+ODY傾一陣計先
comfort zone,learning zone & pain zone
好多今次ob遇到既野都響我learning zone入面
經過呢個ob 我希望可以擴大我既comfort zone:)
同埋我地提到democratic/authoritative/laissez-faire leadership
如果唔係情況緊急 我諗我一定唔會揀authoritative
同埋我sure我既leadership一定係caring既:)
仲有ob精神-->to serve to strive and not to yield
傾完就大家起行啦 因為其實已經遲左好多-_-
所以大家都盡量行得幾快得幾快
(最衰我腳短-__-如果唔係可以行快d)
另外唔該nicky幫手帶路同埋加快我地既速度
我地一路行一路見到d river
oh!成世人第一次見到river or聽到水聲係咁開心=D
行行行行行 行到榕樹澳附近就停低食dinner
哇 超恐怖囉 條山路既entrance超超超超超級多蚊@@
佢隔住兩條褲都照咬到我囉咩料呀-_-
我同ivey同neo一路切菜一路頂唔順
結果.....我就黎發癲咁將d菜整好晒(呼~)
之後就閃埋一邊@@真係超痕囉
同埋無啦啦有好多狗走黎走去@@
終於有dinner食啦~今晚既係菇飯+菜+午餐肉蛋
食食食 有一下諗住吞點知想反胃@@
差d就嘔左出黎 不過好彩無~
我知大家好努力去食 點知都係食唔晒-__-
但ody話我地點都要食晒佢 所以都係死都吞晒佢@@
食完去公廁洗野@@都唔知d男仔點洗既-_-
洗得又慢又唔乾淨(<<真心-_-sorry)
搞好晒d野之後LARS同我地講話我地個plan要轉
因為......fung決定左要離開我地呢個trip
所以叫我地睇下執下野 無用既野俾fung帶走
同埋要拎番fung個袋入面既重要野出黎
d男仔話唔想帶多個tent
所以諗住黎緊2晚5個男仔訓一個tent@@
但係之後LARS話架車要聽朝先黎到接fung
所以我地今晚要留響到過夜先
於是ody帶左我同nicky兩個leader去搵campsite
其他人就繼續幫手執野
搵完番黎之後就帶晒大家過去個campsite到
d草勁高囉咩料@@踩極都係好高@@
之後我就傻傻地咁借左個頭燈俾neo
我諗住d男仔起完tent就可以幫我地手起埋啦
點知@@到最後多得ody既幫手
我同ivey加ody 3個人自己起左個tent-__-
搞晒d野之後 我地就入去tent到訓lu
點知聽到d男仔嘈交(!?)@@
唔理佢地 我搞多陣野 抹下身同換件衫就訓啦
ps.唔該ivey借件背心俾我夜晚訓教
不過其實個tent入面好焗.....
之後迷迷糊糊之間 唔知點解我係咁聽到有人講野
仲要係班男仔係咁話咩個tent點點點
又話要點樣起過個tent定唔知點@@
我諗住問下ivey但佢又訓左咁-_-
去到2點幾好似落過雨 我醒一醒又訓過咁
去到4點幾都幾大雨 ivey跳左起身拉埋個tent
於是我都坐起身 oh!個patpat濕左既!?
原來係個tent漏水囉sosad
之後我呢下先發現原來我頭先聽到男仔講野係我發夢-__-
then我又訓番低再訓過
但事實上真係訓得著而有休息既 可能唔夠2個鐘/__\
第2日就咁又完左lu:)
---
21.07.2010 day3
一朝醒左 我等多半個鐘先叫醒ivey
因為見佢好似好支力咁 所以俾佢訓多陣啦~
而我就慢慢執野同埋聽天氣:)
d男仔都唔知幾時醒左 一醒就勁嘈囉-_-
無幾耐ivey醒埋 我就出去收住tent先
點知我搵唔到粒營釘@@點算......
一路執執執執執野 執完晒之後
原來nicky收錯左我地女仔tent粒營釘/____\
呼~~幾驚整唔見野 好彩無姐:)
ok晒我地就出番去公廁出面食早餐+送fung
今朝都係食麵包 但係!我地仲可以食生果呀~~
所以我就食左個蘋果(超好食呀~!)
之後ob架車黎左 我地就幫fung搬d野上車
同埋每人同佢講左一句野
講真 我望住fung上車既果下真係唔好受
因為我諗番起頭兩日既野
其實fung好多時都係行最後
好多時都唔係好跟得上我地
但又無人會等埋佢 陪佢
唉 我覺得自己好衰 點解唔做多少少
俾多少少鼓勵佢 等佢呢兩日過得好d
同佢傾多d計 等佢呢兩日會開心d唔會咁悶
但係...呢刻我講乜都已經無用/_\sorry
ob架車開果下 我講byebye既時候把聲沙左
因為自己果下既情緒真係唔太穩定
fung good luck!
送完fung 我地plan埋條route就上路啦
哇 今日既天氣真係唔太好
因為天氣好焗但又唔算太熱
d汗又唔多流出黎 周身唔聚財咁
同埋對於我黎講 d梯級真係好難行
同埋我都盡量想等埋後面既ivey
同埋盡量想扶下佢 幫幫佢
之後就行到我自己真係好支力
但點知話咁快就已經10點
LARS話我地一定要停低唔可以再行
但其實我地停果個位都幾斜幾危險@@
身為safety既我 就不斷咁嗌住大家
叫大家企入d 小心d(<<我都好似幾煩=P)
then今日既leader同navigator就去左plan行程同探路
個天開始落雨啦終於~呼~天氣舒服左好多
因為落雨 天氣無咁熱 所以我地又可以繼續行上去
行行行行行終於到左山頂~~
不過因為大家都未餓 大家決定繼續行
oh!超大雨 大雨到對鞋濕晒@@不過唔緊要啦
好彩係平路 都唔算太難行
wow~neo好似係行我前面 佢終於都有等等我啦~~~
難得終於有個人肯睇下我行唔行到-_-
(其實我真係覺得d男仔唔識照顧人囉)
(而好彩我自己唔算好需要人照顧)
(我甚至可以幫手去照顧ivey=D)
一路行 其實好快就去到嶂上啦
不過我地決定上去campsite果到先
果條路好蝦d著短褲既人
nicky justin andrew同kin隻腳都好似傷晒
我想幫佢地但又唔知點幫好.__.
行左一陣終於到左啦~
我地行去入去一個細風d(多vegetation>>low wind speed)既地方
之後諗住起左個天幕先(果時無乜雨姐好彩)
唔該晒班男仔 大家都好合作咁拉起左個天幕
同埋唔該晒LARS教我地要用個橙吊起中間~
不過搞中間呢個都真係搞左好耐
特別辛苦晒andrew同justin啦
搞好晒d野之後又開始落大雨lu
d書包濕晒/__\我同ivey即刻拎d垃圾袋出黎遮住先
之後我繼續切菜 andrew佢地繼續煮野食
今日既lunch係食通粉+咖哩+豆豉鯪魚+菜
睇黎大家真係好鍾意食通粉同埋咖哩=P
我地係兩個人share一包咖哩
但因為我太飽既關係 都係搵個男仔同我share好d
等我可以有幾少食幾少~唔該neo:)
食到最後大家用d麵飽黎一路食一路抹碗(!?)
我都係唔好咁做啦~我都係沖d水響個碗到洗洗佢算啦
食完咪又係要洗碗@@
我地收集d雨水既時候 我同justin大家各有堅持
不過好彩最後我同佢都傾掂數~~~
搞到3點幾大家都執野啦
唉 你地d男仔 唔好搞到我個袋咁嘔心啦
好心你地抹乾d野先好俾我啦
唔係我有潔癖囉好唔好 只係你地.....-__-
我地繼續行番落去嶂上去拎水喉水
點知又好大雨!?-__-
我好勇咁放低件雨衣諗住揹左個袋先...
點知....原來得我一個咁做....-_-
我唔係勇猛而係勁樣衰囉/__\
之後幫埋大家搞好雨衣先再行
所以我地又再出發啦~
點知行行下 點解會上山既!?
原來我地唔睇d地標 又唔睇地圖=_=
結果真係差d行錯路啦
於是我地番番轉頭再行過
終於搵到我地今晚落斜果條路
但條路真係超窄囉@@
(其實果時我真係有d唔係咁好既預感嫁)
我地一個一個慢慢咁落去啦
行行下 LARS同我地講可以留意下d絲帶
因為有d行山既人好好心咁會綁d絲帶俾人認路
於是我地先知我地行錯路 要調轉頭黎行過
所以隊頭變隊尾 隊尾變隊頭咁
於是我地就行行行行行啦
本身係neo/nicky>>justin>>ivey>>hiuman>>andrew>>kin
但因為andrew要照顧埋ivey既關係
成條隊就變左::kin>>hiuman>>andrew>>ivey>>justin>>neo/nicky
不過一路行 個天一路黑 所以大家都拎電筒出黎
但kin個頭燈唔知去左邊@@
結果....我繼續將個頭燈借俾人
哇哇哇!有樣野我一定要講呀
andrew真係超級好 佢行到邊就會將d阻礙物清左佢
e.g.幫d樹截枝 踢走d石etc.
丫仲有 其實kin都默默地做左好多野嫁
企響佢後面既我不斷見到佢為大家整走d蜘蛛網
同埋其實我都feel到佢好大壓力
但我又唔知可以做d咩去俾support佢好
所以我只係靜靜地跟響佢後面
盡我既能力自己黑媽媽咁行
等佢可以盡全力去搵路 唔洗分心響我身上
但係行行下 大家開始lost
唔知應該向邊到行好 同埋越黎越夜
大家又越黎越支力 精神都開始唔太好啦
(呢個時候發生左d野 我自己唔係太好受
不過我明既 因為我自己都未必撐得過呢關
所以件事我就唔多講啦 因為都過去左啦
等佢留響我個心到做一個秘密都ok嫁~)
then我地就繼續去搵我地既路啦
辛苦andrew同justin做跑腿
不斷周圍走黎走去去搵路行
丫!!我果時已經甩左右腳隻鞋既鞋底啦
隻左手要拎住果隻鞋底黎行@@
(我有諗過唔要個鞋底 但好彩我無咁做~)
之後唔知點<<我自己都唔知發生過d咩事
好似就係行行下就唔見左justin同andrew
我同nicky就繼續向前行 聽到好似有聲
但其實我又唔知到底佢地響邊到囉
無啦啦又落好大雨 d路變到勁濕勁滑
我地行行下到有一個大斜路
我地諗住慢慢行落去啦 但點知不斷咁仆
唔該晒nicky扶番起我
但我見到ivey不斷咁仆低我自己都好難受
所以我都係行番上去扶住佢
再跌我再扶起佢 其實我明嫁ivey
所以果下我先會叫你俾我拖住你隻手
同埋輕輕咁抱一抱你 同你講果幾句野
我唔知我做既幫唔幫到你
但我真係好希望我可以俾到支持你!
但始終我知我唔夠力撐住ivey
所以我俾ivey行先 等nicky可以幫幫佢
而我自己就盡量靠自己既力量去撐住啦~
因為我真係寧願自己有事都唔想ivey有事._.
之後唔知係咪LARS同ODY睇到覺得唔對路
佢地叫我地拎行山繩出黎等我地可以捉住條繩慢慢落去
其實果下真係好大雨 我完全唔知自己做緊乜
其實我有諗過我會唔會暈低之後可以俾人救
之後我可以唔知幾時先醒番嫁呢~
但kin一撞落黎我果到果下我終於都醒左/__\
我知我一定要撐到落去條大斜路既下面
所以我唔理咁多 我坐住落去都好 我點都要落到去!!.\/.
結果我盡我能力終於落到去最底果到啦 唔該ivey扶一扶我:)
原來justin同andrew一早就已經落到黎@@
之後我地就慢慢等埋kin同neo落黎
sorry呀neo同kin 我知要你地響上面撐咁耐會好辛苦
但我又無做任何野去幫你地
我自己覺得好慚愧 好難受
因為我明知你地響我後面
但我又無同你地講我會落去先
又無叫你地慢慢咁落黎 sorry/_\
而我地落到去其實隔離就係條river
我聽到好大水聲 所以我就覺得條river會好危險
所以當justin問 我地可以揀過唔過river既時候
除左neo同kin 我既第一下反應都係我真係唔想過河
我好驚 我唔知到底會唔會有危險
我唔想拎我既生命黎冒險
我唔可以咁自私咁去用我既生命去搏
因為....我既屋企人 我既朋友仲等緊我
但有趣既野係 果一下 我個腦突然間停左一停
有d idea飛左出黎 -->
我諗....點解我要過or點解我唔要過河呢?
到底我黎outward bound係為左d咩?
點解我唔聽下其他人既意見?點解?點解?點解?
我俾自己冷靜左1分鐘之後
我去左同justin傾左陣 我聽完justin講
我好有信心咁話 好!我決定過河啦!
因為我feel到justin同大家想過河既決心!
我知大家都好有信心 而我都好想大家可以一齊共同進退
所以我就決定我要過河啦!!
不過我無停低等任何既野 無坐低休息到
而響接住落黎既一刻 我行左過去搵neo同kin
我...想用我既方法去俾support佢地
無論佢地到最後選擇過唔過河都好
我希望佢地可以精神番
因為我知頭先佢地兩個都撐左好耐好辛苦
所以我過去捉住佢地兩個隻手
希望我既能量 我既support可以傳到俾佢地兩個
(不過其實我真係唔知得唔得啦=P)
我同佢地講左一陣野 希望佢地可以諗清楚
希望佢地可以有番精神 唔好再咁支力同埋咁唔開心
所以我俾左一分鐘佢地冷靜一下 諗清楚自己既choice
結果我開心既係 kin同neo都好似清醒番d
雖然佢地話無所謂過唔過河都ok
但我會擔心既係我唔知佢地其實會唔會係唔想過
但我好好好開心既係 佢地最後答左我 ""我會過河!!""
多謝你地呀!Kin & Neo!:)
之後我地決定跟neo suggest既人鍊方式去過河
大家幫手將所有野搬晒過河既另一邊先
我真係好想講一句唔該晒咁多位!!!!
特別係男士們 多謝你地扶晒我同ivey過去先
當你地扶住我既一刻 我真係覺得好安全~
我好信得過你地 我知你地會好好保護我
多謝!:)
(唔知邊個話個campsite係過完河既一個corner位!?)
我地過晒河之後就繼續搵絲帶同campsite啦
大家都心諗個campsite應該係勁近勁易搵到既~
我繼續係行尾3 點知又行錯方向
之後變左行頭3@@不過andrew同neo都好似無電筒定無電
於是我又貢獻左我個頭燈出黎俾neo
因為我知佢好支力啦已經 所以小心d行可能會好d
等佢拎住個電筒起碼唔洗驚會仆親嘛-v-
丫!!其實行行下我真係見過一個電筒既內膽嫁
不過我以為唔係我地既所以無執到呀
sorry呀andrew同neo 同埋唔該justin去幫手搵
雖然到最後都係搵唔到/__\
於是我就繼續踢下踢下咁響黑夜之中到行
行行下 我隻左腳隻鞋個鞋底都甩埋出黎lu
係呀 兩隻鞋既鞋底都甩晒lu~
所以其實我行路既感覺就好似赤腳咁行@@
講真 條路真係好多石又黑嫁
但係我知neo好支力 後面既ivey又好難照到我
所以我都係盡量唔好麻煩人地咁自己忍住痛咁行落去啦
但真係唔該neo有時都特別停低等我 同埋幫我照下條路
唔好意思呀 其實我聽到你叫我等你行左先再番黎幫我照
但係我唔想麻煩你咁多 所以我都係自己行住先都ok嫁啦
anyway真係唔該晒你:)
不過有樣野我又好想講/__\
我呢晚成日俾neo推開既野反彈到撞到我個額頭超痛/__\
當然我唔係話怪你~不過可以take care埋我就最好啦~
我地條路唔知點解由夜晚12點一路行 行極都未行到@@
其實好似有人話條路得300米嫁喳(!?)<<假假地
但我地行到3點都未到/__\而大家又已經好支力好眼訓 唉
多謝LARS一路帶住我地行去搵campsite
多謝andrew做頭果個肯等我地後面呢班慢野
多謝最後面既justin響我每次問得唔得既時候都應我
聽到你好有力咁應我"得"既時候~
其實我都會無啦啦多左一股動力嫁~ =D
之後我地一路咁行行行啦 LARS話佢要再搵搵個campsite先
因為本身果個唔見左(!?)定係搵唔到@@
所以我地就坐低左休息下 喝下水
大家坐低左之後就開始訓@@你地班友仔丫!
我早兩晚都無乜點訓 又唔見我好似你地咁眼訓-____-
之後我地再響LARS搵到campsite既時候再行過
我地又要行上少少斜既路@@其實我對腳都好痛
因為對鞋個底太薄 真係同我無著鞋咁行無乜分別/__\
但係其實我見到Neo行路行得好辛苦既時候我都好心痛呀
雖然我自己隻腳都行得好痛好痛
但我唔想我痛到叫既時候令你更加諗起你自己既痛
so我都係忍住自己既痛啦 因為我見到你覺得你好痛/_\
所以我已經盡量唔去叫同埋講下野分散下你既注意力嫁啦
不過唔知work唔work呢=P
行就差少少就到campsite既時候
果條路都真係幾斜同幾難行
所以我身為一個會照顧人既女仔(<<俾d位我去讚下自己=P)
我都盡量去幫你行上黎 雖然我隻手未必好有力
但我相信我隻手可以將我既力量傳俾你
等你可以支持落去 無論係果一段路定以後既路~~~!
雖然我知你好驚會拉番我落去=P
finally~我地終於都到左個campsite啦
果時其實已經過左4.30am啦
雖然其實我地miss左個dinner
但大家其實都已經好支力 都想訓教先啦
所以我地都盡快set tent 等大家可以早d訓
唔該andrew同nicky響做完自己個tent既時候都黎幫一幫我地個tent:)
thank you~~
因為我知你地起你地自己果個tent都可能已經好支力
但你地仲幫埋我地手去set tent:)
無論如何都要講句THANK YOU呀=D
之後我地就分番男女咁入tent執野
其實我真係唔知佢地5個男仔點樣迫入去一個tent到@@
neo坐響到郁都唔郁@@睇黎佢隻腳真係好痛
哈哈 之後見到neo行路行入個tent到個樣真係超好笑
好似....一隻...企鵝!?=v=
oh!你地d男仔係咪真係咁鍾意嘈交嫁
每次臨訓唔嘈下都唔得嫁喎@@
雖然我都幾享受去聽你地嘈交=P因為好搞笑
我地5:30am全部入晒tent啦
不過我自己搞d衫+抹身果d搞下搞下搞到7點幾
之後我就快快手搞埋d野就去訓啦
(btw, 聽聞果晚因為我係咁講野
無論係講[有絲帶呀!]/[後面得唔得?]/[撐住呀!]/[加油呀!]/[我地就黎到啦]
呢堆野講得太多 搞到ody響後面悄悄地串我-__-
呢樣野係nicky定neo講番我知@@
不過算啦~我不嬲都係咁煩咁多野講嫁啦~)XD
---
22.07.2010 day4
一合埋眼 再醒果下已經係9點幾啦
我知記得我好似真係足足訓左2個鐘
哇我訓到兩個鐘真係好幸福-V-
之後出面好似又落過下雨(!?)
我自己就繼續響個tent入面執野
無幾耐就聽到d男仔開始講野 真係好嘈@@
丫!講番我對鞋先 我琴晚問左ody借膠紙
但我諗左成晚都唔知點樣去搞佢好-__-
之後就一路收tent一路執野同煲水
LARS行過 我就同LARS講我對鞋底甩晒
其實只係想問下到底我點樣痴住佢會最好
點知@@LARS竟然直情走黎幫我痴埋
仲要痴得勁detail 真係超勁
雖然因為第一隻痴得太多 第二隻就唔夠膠紙
所以要用d無咁勁既膠紙黎痴
but anyway thanks LARS!
我對鞋痴完果下大家都好驚奇-v-
不過LARS叫我小心d 因為d膠紙可能會好滑
之後我就繼續幫手收tent+煲水果d
而我想講LARS係真係超級好人囉
佢知道neo隻腳傷左好痛 特登問佢過去問下佢點
仲要幫佢痴膠布同借對襪比佢著
oh LARS雖然平時好少同我地傾計(因為佢唔識中文)
但其實佢真係勁care我地又勁幫我地囉
佢其實帶左好多野食&水出黎嫁
因為佢驚我地會唔夠野食
所以佢又唔會食我地好多煮既野
反而自己帶一個cook set上黎淨係煮自己果份
LARS你真係太好啦 我永遠都唔會忘記你對我地既好
好 繼續講番ob先~
今朝煲完水就開始搞早餐啦
原來我地琴日下晝大約2點到食lunch
之後dinner行山行到4am而miss左
就直接黎到今朝既早餐啦 姐係大約20個鐘無食過野
但又唔算特別肚餓既 只係覺得個肚有d空~~~
今朝早餐有中東包+白麵包+花生醬+煉奶++吞拿魚+提子濕(<<其實佢乾嫁囉)
執晒d野出黎之後/__\無啦啦落超大雨.....
好彩d野全部都有袋袋住晒~
停左雨之後我地就食野啦 大家都發現原來d中東包勁好食-__-
超後悔之前果兩朝都無食過d中東包/__\
同埋d提子乾都幾好食=v=
雖然 d野食引黎左好多昆蟲-_-
唉 好慘呀我 d蜜蜂勁鍾意痴女仔囉
佢地痴左ivey搞到ivey勁驚
於是 我將d蜜蜂引過黎我到....-_-
點知d蜜蜂係咁摸我囉好唔好
摸完手又摸面又摸我耳仔/__\
我............/__\
丫唔記得講今日係neo做leader<<得佢一個未做過
要多個leader既時候 我見個個都你眼望我眼
於是我就話我做leader啦(橫掂我果朝心情好-v-)
其實我自己覺得做leader係最開心既
因為無乜野做既同時又可以催下人做野(!?)
之後再煲多一round水我地就執野走人啦
丫同埋我同neo plan左條route
其實我地今日都係一路行落山
睇d contour line都應該唔算難行
雖然大家都比較支力同埋有少少上山 但大部分都係落山
(同埋其實得番呢條路揀-___-)
於是我地就去同navigator同埋同LARS講
(其實每次我做leader or其他野會同LARS講個plan既時候
唔知係咪我講得清楚又plan得好~~~<<讚緊自己=P
每次LARS都會話perfect/good planning/excellent-v-
我每次聽到LARS讚我我都會好開心嫁~
又或者見到佢對我笑我都會開心:] )
今朝由andrew同justin做navigator
所以佢地行頭 之後就係kin ivey nicky我neo
因為諗住男女隔住幫下對方:)
之後我地就行番落去一條river到
幾經辛苦 我呢個短手短腳(<<我認-_-)既人終於都過到去
唔該晒justin andrew同nicky:)
我超驚會拉左nicky落水囉 =P
不過好彩nicky又無乜野 仲繼續幫我:)
之後我諗住幫neo 但佢又驚佢會拉左我落水XD哈
其實落水我都唔多介意嫁~橫掂我無乜邊日個身係乾既=P
then再過多條river我地就一路咁行啦
睇黎大家都好high spirit~唔知做晒個個都行得勁快
見到大家咁有動力~我都好開心=D
不過我諗neo都係因為繼續受傷患困擾
所以行得比較慢 但我又唔想搞到好似fung咁
所以我都慢慢行 陪埋佢:)
但neo好衰囉 我俾隻手佢捉 諗住幫下佢
點知佢寧願捉d草都唔捉我/__\唉 我心淡啦/___\
行到北潭既時候我地就停低補一補水
justin andrew同LARS去左探路
因為前面好似有人住(!?)
nicky佢地話熱既利賓納好好喝
雖然我喝左一啖 但廢事喝晒佢d野
所以都無喝真d~不過都好似幾好喝-v-
(哈 唔緊要啦 番到黎屋企再喝過)
繼續我地既行程 原來前面既係更生中心
所以我地行過既時候唔好講咁多野
唔好停低 唔好亂望周圍 唔好驚入面d狗,etc.
之後我地就起行啦
一路咁行 個心唔知點解唔係咁好受-__-
我知有好多更新人士企響我隔離
但我完全唔敢+唔想去望佢地
d狗吠我又唔敢去望or去搵隻狗響邊
總之我就係行快d行快d同行快d咁離開呢到
(我唔係話歧視佢地定點 但我就係唔想影響到人地)
行過左更生中心之後感覺好番少少
但我地行行下 望極後面都搵唔到ody同lars
所以我地就停低左等左陣
諗住去搵番佢地既時候佢地就番黎啦=P
原來佢地行錯左路 搵唔番我地@@
哈哈 齊人我地就繼續行
但行到唔夠5分鐘 我對鞋因為d膠紙痴唔實
結果要成日停低整/__\sorry呀
LARS見到我整 就走左過黎幫我-v-thanks
但整極都唔太好ok 結果ivey借左條橡筋俾我
我就用條橡筋黎[cool]住對鞋=D thanks ivey
個天開始黑黑地同埋有d雷聲
於是大家拎晒d雨衣出黎先
點知行極都未落雨-_-仲要搞到勁熱
一路行 途中差少少就行錯路@@
行到上最高既時候我都係忍唔住除左佢 太熱-_-
之後我地就繼續行番落山啦
其實今日條路真係幾好行嫁~
除左果d會吸住隻腳既[核突泥]之外=P
其他既其實都係石屎路
同埋因為gradient比較細 所以都行得好舒服
行行下見到隻大牛牛食緊草
justin想俾d就黎過期既麵包佢食
但ody話唔可以 仲要我地快d走
哈哈 不過亂俾野佢食又真係唔太好
一黎搞亂佢食野既種類<<佢食開草
二黎佢如果鍾意食既可能唔俾我地走-_-
三黎佢可能以為我地襲擊佢添@@
所以我地都係繼續行啦~
行行下到左一個有公廁既燒烤場隔離
大家洗面既洗面 去廁所既去廁所
食野既食野(<<其實係因為無乜野做囉)
丫!!我想講我企企下果時條腰痛左一野
拉起件衫一睇@@原來係有隻蟻咬我囉/__\
超痛呀!!!-__-
同埋休息緊果時 有4個人黎問路
佢地話佢地搵緊一間學校(!?)同埋佢地係黎探營嫁喎(<<好似係)
佢地之前黎過 但今次搵唔番間野響邊@@
(哇我宜家諗番覺得好靈異呀@@)
之後俾個map佢地睇 又同佢地傾左兩句
但都係幫唔到佢地 所以佢地就走先~
佢地好尷尬咁同我地講多謝 我就好奇怪咁同佢地講byebye=P
之後hea左大約30分鐘 ody就催我地快d走-_-
諗住叫大家執好野走人啦
果時nicky企響我左邊 neo響我右邊
我行前一步果下 無啦啦nicky拎住張map好大力咁打左落黎我到@@
咩料呀!!!!.\/. 做咩要打我喎/__\
原本我以為佢係想打neo 點知問番佢 佢話其實佢想拍死隻野-__-
佢話果時有隻好大隻既野飛黎飛去喎.....
到底果隻好大隻既野係咪我-__-
所以你要咁大力打落黎我到呀/__\(喊-_-)
不過講真 果下真係嚇死我 幾驚你真係咁唔鍾意我=P
執好野就走人 但發現justin個袋超級多蟻
d蟻又拍極都仲有@@於是盡量打得幾多得幾多
then我地就行左落去北潭涌個停車場啦
我記得我f.2 prefect camp係響呢到嫁(darling!~)(<<我仲記得夜晚行solo walk添~)
終於我地都到左個平地啦:)(不過其實我想番上山多d-__-)
我覺得山下面既空氣唔太好...../_\
之後我地用左35分鐘行過去我地第一日夜晚洗野既果個公廁果邊
一路行一路同nicky傾<<都唔知傾過d咩黎@@ XD
我地大家響個涼亭到坐低傾左一陣 果時開始落雨啦
TO SERVE<<我地team既意思係to serve the community
community>>different level of people
一路傾 雖然我無乜加入過個discussion 但其實我諗左好多野
之後我地就行落去個beach到幫手執垃圾
唔知做咩越黎越大雨 但我地都照行落去個beach到
我同ivey執廢紙+鋁罐/justin andrew nicky執膠既野
kin同neo就執其他可以回收既垃圾~
我地一路執 雨就越落越大
但唔知點解我係越執越起勁
本身我同ivey淨係諗住執番廢紙+鋁罐
但見到勁多其他垃圾 所以我地決定無論係咩垃圾都執晒佢地先
我同ivey行左入去個草叢堆<<其實係樹叢!?(<<好多樹枝好難行呀)
ivey行得勁入 搞到我勁擔心 係咁叫佢快d出番黎
之後我地行番出黎既時候 我見到班男仔同coach好似行番上去(!?)
同埋果時真係越黎越大雨 同埋閃電閃得好厲害 行雷行得好厲害
(***之後聽番 原來呢個時候係黑雨緊@@@@@@@@)
於是我就捉住ivey叫佢我地執多陣就好快d走~(<<因為執上癮=P)
之後我就死拉住ivey行番條小斜路離開個beach先
但上到左條小路到我又見唔到有任何scott既人@@
唔理啦!我繼續捉住ivey行番上去(往公廁方向)
行行下 呼~ 終於見到neo同kin(!?應該係!)
但響呢一秒 我覺得佢地無諗過等埋我地or搵我地上黎囉-__-
又無人同我地講話因為太大雨所以我地唔執垃圾啦
就咁就由得我地兩個女仔自己留響個沙灘到
又唔知你地去左邊(好彩係我見到你地好似行左上去姐@@)
唉~唔理啦 總之大家都無事既就ok啦:)
一路行 其實我地上緊斜 都真係幾多水衝緊落黎
所以我又同ivey捉實兩個一個行
果時好似有個男仔叫我俾個垃圾袋佢 等佢幫我拎
但講真 果下其實我有少少唔開心你地無理過我同ivey既生死
所以唔想你地幫我而話我自己拎住個垃圾袋就ok
(sorry/_\果下係我既情緒問題)
行到最高果到有個垃圾筒 我地就將岩先執既垃圾拎出黎
特別係d水樽要倒晒入面既所有水佢
之後我唔知點解好有手尾咁想將個垃圾袋d水都倒晒出黎@@
搞完我地又番番去個beach上面條小路到拎番我地d袋
oh!完全濕晒lu/__\不過唔緊要啦 遲早都濕=P
then我地行番去公廁方向既時候去左個涼亭到
原來我地今晚就係響到過夜~~
我地放低晒d袋 就拎晒d野出黎整我地既dinner啦
不過唔知做咩個天勁黑 一定要用電筒先睇到野/_\
哈哈 我又繼續做我切菜既工作~~
不過我已經越切越hea 開始連刀都唔用啦@@
丫!唔該neo幫我手整d菜:)
之後我又切d午餐肉 切得唔好睇唔好怪我:)
同埋唔該晒nicky幫我拎電筒=D
原來nicky做左冗員好多日@@
所以俾d野佢做下佢都會好開心-v-
切完菜就叫佢幫手倒水~開心到佢呢XD
哈哈 我地搞完d野之後就無野做lu
我ivey nicky neo同justin都做晒冗員
個個坐晒響到傾計~哈哈
乜都傾一餐 乜都up一餐-v-
唉 我差唔多成個星期無拉筋
你地就俾我講下我跳舞既野啦~
同埋你地唔好話我痴線啦/__\我係堅鍾意拉筋囉
因為拉筋對於我黎講係超級舒服嫁~
之後nicky係咁爆d笑料出黎 哈哈XD
*flash forward既[2分17秒]變左[2分15秒]/[2分45秒]
*house既[醫神]變左[神醫]
差d笑死我XDXDXDXDXD
之後andrew同kin就繼續煮我地既晚餐 唔該晒-v-
我地今晚食通粉+咖哩+菜+午餐肉+(好似仲有白汁!?)
但今晚我唔知點解勁唔想食午餐肉<<本身其實都唔太鍾意食
唔該晒andrew幫我食左d午餐肉:)
一路食食食 一路唔知傾d乜野
感覺上大家high大左 哈
食晒我ivey justin neo nicky就執野去公廁洗野啦
都唔明點解你地d男仔洗野會洗得咁慢-__-
洗洗下唔知邊個又唔入廁格去廁所囉
我忍唔住出聲叫佢入廁格啦
點知@@唔知邊個就答我::你試下睇下啦 邊到會睇到佢去廁所丫~
結果...我都唔知講咩好-__-
我係唔會試圖去睇嫁!.\/.
洗完兩個大煲 ivey(!?)就做跑腿拎左番去俾andrew同kin煲水
之後我地就繼續洗野洗野同洗野
洗完就慢慢行番番去 因為太黑<<得我一個頭燈但我好似借左俾人(!?)
同埋neo隻腳都好似真係幾傷下 所以我都係慢慢陪佢行啦
行到番去執埋d野/_\又overrun左15分鐘啦
唉 成個trip都未試過有一次係on time既@@
但唔理啦 之後大家就坐低晒聽LARS同ODY講野
(其實我已經唔記得左果次講左d咩啦)
無啦啦nicky坐我隔離果時隻腳踢左一下好大聲
哈 我以為佢太支力 所以叫佢可以挨落我個身到=P
之後無乜野搞 大家就prepare訓教d野啦
大家決定唔set tent 訓地下or訓柱
但ody係照去set tent<<因為佢要換衫
於是大家就搵地方霸住黎訓啦
neo kin andrew justin本身都好似係訓住地下
nicky我ivey就打算訓柱既
但其實出面一路落緊少少雨
之後nicky訓我同一條柱既隔離又好似唔知同我講左一堆野
我又聽唔到但又唔好意思去問 驚嘈住其他人訓教喎
但我又坐極都唔舒服 又好似訓唔到咁喎
結果真係坐左好耐都唔知有冇訓過@@
但我記得其實我既睡眠質素係真係好差
有一下我好似係訓著左嫁
不過個夢係好似第2晚set tent果時咁
我一路都聽到其他scott既人既講野聲
同埋我夢入面既場景係同我訓果時係一模一樣
所以搞到我好似精神錯亂咁走去問ivey::我地係咪要唔知點點點?
但其實我第二朝問番ivey 佢話我無問過囉
姐係話其實我問ivey呢樣野都係我發夢果時做既野/__\
但訓到好似12點既時候真係頂唔順啦-_-
我見到nicky都好似起左身唔知去左邊到訓(<<完全唔知發生咩事)
之後ivey本身訓我對面又走左過去nicky本身訓果個位(!?)
justin又唔知上左黎訓柱定又去左邊到訓@@
而我....就決定成個人訓響到涼亭旁邊俾人坐既果個邊邊位(個[搏]位)
不過驚踢到neo<<佢訓我隔離既地下
所以我就調轉頭黎訓 等我個頭係響佢個頭既附近啦
因為我真係唔想踢親佢/__\
之後訓訓下<<其實應該有訓著過嫁
我又問下ivey訓唔訓得著 但唔記得ivey有冇答我@@
之後neo又好似郁過下 我見佢訓到個頭好似好唔舒服咁
就叫佢將個頭訓上黎我隻手臂到當枕頭<<因為個位係岩岩fit嫁~
然後我又訓番低再訓過:)
但其實一路訓我又一路醒 又好似成日搵唔到其他scott既人咁@@
然後又繼續訓下醒下-_-我懷疑得我一個訓得咁差!?
好似其他個個人都訓得幾好 起碼無我成日醒咁慘
但訓到2點幾3點定唔知4點@@(<<真係唔記得啦)
justin同nicky都好似訓唔到咁
於是我都起左身陪佢地一齊坐
哇 今晚個天都勁靚呀~ d星多到呢~~
超鍾意西貢既夜空呀!!!!-v-
之後其實唔知同佢地兩個傾左d咩嫁喎~
但大家又傾得幾開心:)
可能大家真係比較鍾意一齊hea既感覺
同埋 我自己真係好鍾意同scott呢班人一齊hea既感覺
之後傾傾下講番第3日下晝收集雨水單野
哈哈 我同justin終於無再為呢樣野再嘈啦~
再之後....好似hea多左陣ivey就醒左
佢叫我陪佢去一去toilet 但我對鞋.....
其實我對鞋痴膠紙痴到琴晚差d拎唔番對腳出黎@@
所以著都會比較麻煩/__\
結果我問nicky借左佢對鞋黎俾我著住行出去公廁
一著入去@@超級大囉好唔好-__-
我隻腳一穿左入去 將隻腳向前頂之後
本身放隻腳入去個窿又出番黎<<姐係我隻腳真係超細-_-
我隻腳其實得35喳 但nicky佢隻腳好似有44/45(!?)
陪ivey一路行出去 其實一d驚既感覺都無
雖然係好黑好黑 但行完3日夜晚 已經唔再驚啦
同埋我仲記得一路行 我同ivey講::
我好想記低今次去ob既一切 我唔想失去呢段咁珍貴既記憶呀
之後又同ivey行番番去 justin話佢計時由佢地響個涼亭見到我地開始
我地行左2分鐘先番到去個涼亭@@我地有冇行得咁慢呀-_-
之後繼續著住nicky對鞋 因為我真係唔想整濕我對腳呀
sorry nicky~搶左你對鞋=D
之後我地繼續傾計 越傾越大聲-___-
大聲到嘈醒左ody=_=結果俾ody鬧/__\
之後原來已經5點幾 我地就決定睇日出!
但其實到最尾都好似無乜點睇到日出@@
---
23.07.2010 day5
到左最後一日既6am啦!我開左收音機黎聽天氣
好似話唔知邊到有水浸(!?)之後話天氣都ok~
之後大家都醒晒啦-v-個個個樣都殘到呢=P
哈哈 neo無戴眼鏡坐響地下個樣勁可愛XD
之後天光左 先發現nicky琴晚話好凍
then justin叫佢除左入面件衫 因為佢件衫濕會好凍
同埋justin借左佢件雨衣俾nicky著
原來....nicky入面真係無著衫 而佢又勁瘦
同埋ob件雨衣係黃色
呢幾樣野一次過發生既時候........
大家都覺得nicky超似道友!!haha~
唔係講笑 但nicky真係超好笑囉
佢同我一樣 將野紅茄講左做紅蕃茄
之後佢仲要俾justin點去左試下d水係生水定熟水=P
哈哈 佢話d生水好難喝XD
今日既leader係nicky同neo=P
之後大家就快快手去準備我地最後一個早餐啦
kin去左拎4L水 其他人就幫手開奶粉
neo拎佢袋粉出黎既時候......發現...
成個袋入面都係蟻(!?)超恐怖/_\
但唔知點解佢仲驚過我...
同埋nicky無啦啦話我知佢琴晚響我個袋到拎左張地毯出黎
@@我超o咀既係佢知我有既同時佢竟然搵到我個袋
之後我地今朝既早餐係栗米片同朱古力XX
其實d奶真係怪怪地咁@@唔凍又唔熱 超怪@@
但唔知係咪我食得太慢 d栗米片變到軟晒/_\
勁難食呀/__\不過點都要食晒佢地
之後洗埋碗.....我地又overrun啦=_=
再次係ody同lars話我地既time management唔好
sorry-_-可能係我地真係太hea
之後我地就有一個solo既時間
佢會俾時間我地自己一個去諗下我地過去4日黎所做過既野
之後可以寫封信俾自己 呢封信3個月之後會寄番黎我屋企
但係nicky就唔知點算好啦 果時佢已經去左英國啦
本身佢地諗住俾我地每個人行去唔同地方既
點解一行出去之後就開始落雨 到最後大家都係留晒響涼亭入面
其實我都唔知佢俾左幾多時間我地寫封信
但我就用左2張紙去寫 一路寫 其實有好多野都想keep響入面
但係寫寫下 ody就話時間到@@唔準再寫啦/__\
不過好彩封信都叫做收到個尾:)
(andrew好似響我努力寫緊既時候訓著左=P)
寫完封信 成個人都好似放鬆晒咁-v-
同埋果一刻會發現自己好鍾意呢班人
好鍾意同呢班人一齊去經歷咁多既野
好想繼續可以同呢班人一齊繼續fd落去
果下真係超唔捨得scott既呢班人呀(雖然個trip仲未完=P)
寫完封信之後大家執好野 就去左影相-v-
原來我地scott真係好少影相/_\
雖然無左fung 但大家可以影到相我都好開心呀=D
之後justin仲幫我對靚靚鞋影左相~
我真係好鍾意SCOTT呀!
之後大家執好晒就起行番去outward bound既base啦
大家果時其實好high spirit~
一路行一路傾得好開心-v-
不過nicky勁衰囉 自己有隻橙淨係同neo share/_\
行行行 好快就行到番去base啦~ 行到一d都唔支力:)
落番去個cage到 見番青蛙佢地:)
但果下又唔知點解我想stay with scott既人多d
所以都係無乜同佢地傾計住(<<都會因為黎緊有好多時間傾所以唔傾住)
之後我地就執晒個袋入面d野出黎@@
then我地就分工去洗晒d野 我同nicky負責洗tent既野
哇 洗到成身濕晒 又洗到超支力-_-結果越洗越hea
唔知點解我一路洗野d野響個tent入面出番黎
d野句括個map-__-fung頂帽(!?)
洗完就去曬乾番晒d野 同埋執好少少d野先 & 著晒救生衣先
then 我地就拎番自己既野過去碼頭果邊
放晒d野響hall出面 我地就行去碼頭到啦
LARS教我地要點落水 d pose果d
之後我地就去左淺水d 應該離水面得1米既試跳先
我一跳落去個鼻勁入水@@超鹹呀/_\
之後又成日唔記得要拍個頭兩下
then上番水之後 LARS叫我地set個target
睇下一分鐘可以有幾多人跳到落水
第一次我地話20次-->結果得10次
第二次我地話14次-->結果得12/13次(!?)
第三次我地話14次-->結果......15次呀!!!!XD
勁開心~終於到reach到個target啦~
完左呢個試跳 我地就走上去個真既碼頭到跳
哇一上到去果下都唔知做咩/諗咩好.__.
andrew做第一個跳 見到佢行出去果下
唔知點解我勁緊張勁驚 個心跳得超勁
但唔知幾時 佢已經跳左落去啦!!
超勁 佢既勇氣真係超夠!
之後kin跳 又係唔知幾時就跳左(Y)
then nicky跳 哇佢真係跳得勁靚囉 我會俾10分嫁~XD
之後neo準備跳果時 我問justin洗唔洗跳先
佢話叫我跳先!?果下我先知我係下一個跳
因為ivey話想我跳左先到佢跳
所以我就行過去 見到neo跳左落去....-_-
果下我個腦已經空白左啦 我想講其實我係一個畏高既人
但我真係好想跳海好想跳碼頭 所以 我都係企上左果個碼頭
ody叫我將d腳趾企出去果邊出面果下我其實唔太企得穩
之後又聽到下面跳左果班男人唔知響到嘈d咩/__\
大佬 其實我驚嫁 聽到你地講d唔知咩我仲驚呀
講真 雖然我地得兩個女仔 第一個同第二個跳都好似無乜野咁
但係 對我黎講做第一個女仔跳係有一種莫名既壓力/緊張
同埋我係尾3跳既果個 越後跳 其實壓力都會響到
所以好彩果下 你地下面班跳左既男仔終於靜左
等我可以冷靜一下 諗一諗我既goal我想要既野
之後 有一下既courage我就踏出左果步啦
踏出左 我覺得係我人生之中最大最重要既一步
因為我真係突破左自己 我唔怕高 唔怕自己既fear
但其實踏出左之後 因為我係兩隻手捉救生衣
同埋隻眼合埋左 我完全唔知發生緊咩事
但係響果刻 我覺得個世界好似停頓左咁
我跳落去直至我到水果刻真係好長好長
長到我有時間諗一諗野 同埋放鬆左自己先入水
但就係因為放鬆左先入去 結果我個口喝左兩三啖海水
但唔知係咪喝慣左 又唔覺得話特別鹹啦喎~
沉左落去之後上番黎果下又係比較耐
上到黎果下第一時間拍兩下個頭話我無事先~
之後聽到大家既掌聲同叫聲其實我真係好開心
唔知點解果下我對自己真係好有信心
我覺得自己好勁好叻好掂!!
但我落左水之後 我望番上去 同ivey講加油!!
因為我知響果到跳落黎果下需要既勇氣其實要好大
終於ivey跳左啦~響佢拍完頭之後我就過去左拖住佢同埋帶佢過黎
(其實我唔明點解我頭先跳完無人過黎拖我帶我過去囉/__\)
到最後既justin 其實我知做最後一個會好緊張
跳之前 justin話::who is the best? WE ARE!
之後就跳左落黎啦 到佢上水果下 我個心覺得好平安好舒服:)
同埋我忍唔住大嗌同勁大力拍手!!
then我地scott就大嗌ody!想ody都跳埋落黎~
點知原來佢同LARS想一齊跳落黎=P
但如果係我 我俾同步分會好低囉sorry~
哈哈 不過大家都落晒水既感覺真係好好:)
之後我地就用海龍既方式游番番去頭先跳1米果到
但LARS話我地要用自己既方式上番岸 唔可以用樓梯
之後Justin第一個上左去 andrew第二個上去
之後唔知點解我係第3個上去@@唉 浪費左個機會啦
上水上得一d都唔靚添/_\難為我係跳舞既人.....
之後ivey上 kin上 nicky上
哈 nicky上既時候好似一隻海獅XD
之後neo上既時候就好似一隻八爪魚 哈哈XD
neo讀st. paul 所以行為都要似番八爪魚保羅~~~
neo超勁 長手長腳到可以唔洗人幫就自己上到岸
喂不過其實真係唔知點解neo明明傷得好緊要
落到海水會超難受 但佢反而係最後一個上水既人(!?)
上晒水就去沖身啦~個個都係沖自己個身
但其實沖身係想大家沖件救生衣囉-__-
之後我頂唔順就放晒d頭髮落黎 因為勁唔舒服囉
then大家一齊行番去cage到放番件救生衣再出黎沖涼
neo都仲係行得好慢 但唔知點解從來都無人打算等埋佢咁-_-
放完野就上番hall到拎野去沖涼 女仔上上面果層
沖之前我同ivey驚d男仔等我地等到遲到
所以我特登行落去下面同d男仔講唔好等我地
點知我要行到個門口嗌佢地先聽到
我嗌嗌下唔知邊個開門@@嚇死我
好彩我無戴眼鏡 我應該乜都睇唔到既~~:)
之後上番去極速沖涼洗頭 同埋噴左d香水
(<<因為唔想有味 但點知之後俾nicky話我陣味好怪囉/__\)
之後我拖左幾下地就落去下面睇下d男仔會唔會等我地
落到去見到neo就叫佢同男仔講真係千祈唔好等我地
番上去執埋野同埋我拖都幾下地就走左啦 因為驚遲到
點知一路行出去 d男仔話佢地未拖地@@
雖然我拖左 但我都係番上樓上拖多一次先~
搞掂晒就出番去hall到 我地今次終於無遲到啦~=D
neo俾左佢張身份証我睇 哈哈 你都唔係唔似樣丫~
之後我地就上去canteen到食野
我嗌scott嗌得有少少大聲-_-又俾ody話我大聲
入到canteen幫手分野食
nicky你.........做乜錯乜既@@不過放心 我唔係怪你:)
我幫手分湯 andrew分飯 唔知邊個分野喝 其他人就分其他野食
唔知點解今次呢餐飯食得好開心
一路食一路同坐左隔離既nicky響到傾唔知d咩
之後nicky又做乜都衰咁=P拎個夾夾都拎到..哈=P
唉也nicky 我真係唔係特別比果碗最多骨既湯俾你嫁
同埋叫你幫我食d飯你又唔肯/__\
搞到我又食得慢 又食唔晒 唉 我好衰呀.__.
我又同andrew傾左陣 原來andrew都成日參加呢d camp
不過佢覺得ob比較考體能(!?)
之後唔知邊個見到班細路有雪糕食就大叫-__-
食飽飽大家就番左去cage到收番d岩岩洗完既野
之後就不斷咁摺摺摺摺摺摺摺..........
同埋放番晒所有scott既野入去 同埋要點齊晒佢地
點知我放完d救生衣之後數極都得11件(!?)
應該要有12件嫁!!好彩之後ody發現有兩件放埋左=D姐係齊啦~
之後justin隻叉又唔知響邊到走番出黎@@
但係kin個哨子都仲係搵唔番呀/_\
好彩ody有一個多左哨子:)仲寧願拎佢出黎
所以到最後我地team都叫做齊晒d野無唔見過任何野呀
(除左我自己唔見左條毛巾之外/___\)
執番齊晒所有野我地就鎖番個cage(<<唔捨得/_\)
同埋行上去一個有瓦遮頭既地方坐低晒
oh!!!LARS拎住一袋雪糕呀-v-
唔知係咪佢聽到我地講!?但明明我地係講中文嫁喎
但唔理啦~多謝LARS呀:)
我地食住個雪糕一路就review番我地既5日trip
我食左個芒果味-v-哈哈~
之後大家出去畫番我地行既路線同埋用d公仔黎表示重要事情
hah~你地d畫工真係好正呀 但LARS都睇得明(!?)
畫完晒所有野之後 我地就坐低繼續傾計
lars問我地最鍾意同最唔鍾意既moment係咩
仲有你覺得今次響ob入面你學到d咩 係你等日可以用得著既
之後再次講to serve to strive and not to yield既meaning
to serve--to serve others, to serve the community!
to strive--try your best in everything!
not to yield--never give up!
然後佢就拎左7個ob既章出黎叫我地想要個章就講下自己點解值得拎呢個章
andrew拎左先 之後就到我去拎個章
講真 我真係覺得自己好值得去拎個章嫁~
因為呢5日黎 我不斷幫我既組員啦去serve others
我做任何野都係盡我最大既努力去做(<<特別係第一晚同第三晚)
同埋我當中有諗過give up 但到最後我都撐落去!!
呢個係我第三晚想放棄但最後支持落去既故事!
做齊to serve to strive and not to yield
我諗我真係值得去拎ob呢個章~
之後justin拎左 ivey拎左 kin拎左 neo拎左 nicky最後先拎
哈哈 nicky講英文唔知點解好難聽得明=P
你好快d去練下你英文啦 如果唔係你去到英國我會好擔心你@@
講完晒之後 我地就多謝LARS同ODY呢5日黎既照顧
其實果下又真係幾touching<對我自己黎講啦
因為佢地表面上無乜野 但其實佢地幫我地既 係數都數唔晒既咁多野
THANK YOU~!
我地行番番去hall果面去做個closing
個course coordinator問我地兩team去講我地最難忘既一個經歷
果下唔知做咩我果team好似個個都望住我咁@@
於是我就講左我地第三晚行左10個鐘既經歷出黎
因為夜晚行山係真係好辛苦 特別果晚仲落雨添
但我地team無放棄過 仲不斷咁幫其他人
同埋我地真係撐到最後去到campsite果下!
之後佢又叫我地每人講一個你響ob帶到番屋企既野
本身我想到never give up 點知俾kin同ivey講左/__\
結果我就轉講serving others~
我講果時見到lars同ody既微笑=D多謝你地呀
我真係想多d去serve others 所以我黎緊都會做多d service嫁啦~
之後就頒獎狀 我地頒方式既自己teammate去頒
我頒俾andrew ivey頒俾我既感覺都好好呀
因為大家一齊左5日 互相合作 大家係真係覺得值得嫁!
我頒俾andrew既時候真係忍唔住讚下andrew咁多日黎做大廚辛苦晒啦-v-
之後我同ivey攬攬=D多謝你呀ivey
我地之後去左地下影相-v-有埋lars同ody嫁~~
但佢地兩個之後就要開會 所以趕住走
但ody都有留低email俾我地遲d可以拎番d相-v-
之後執下野就同晒大家交換電話no.
同埋過左去買紀念品~~
丫/__\我本身真係想大家都買埋同一件嫁
衰ivey/_\無啦啦又拎去換左佢........
之後我幫jennie同自己買左個file再加2件t-shirt
同埋我借左錢俾nicky~ nicky記住還錢呀!!!
之後hea下hea下唔知做左d咩lu~
應該都係同大家吹下水 hea下咁
之後neo無啦啦話佢就黎生日 叫我地幫佢慶祝埋生日
我""好""聰明咁以為neo係8月11號生日-__-
點知原來8月11係佢整身份証既日子...../__\
oh/_\我連睇身份証都睇錯...算啦~~ =P
之後我問佢地想唔想去西貢食d野同傾下計先走
點知..../__\你地班衰野
洗唔洗咁急住番屋企呀....定係你地唔想見到我/__\
結果 都係執晒所有野就同青蛙佢地一齊離開ob
一路行 一路勁唔捨得 超唔想走呀/_\
所以我要把握最後既時間同nicky同neo佢地傾多兩句
行到出去馬路到 jaime call既兩架的士已經到左
但係因為我好想同青蛙一齊坐
ivey又想同lai yuen cheung一齊坐
結果我地就男女分車咁坐
一上到車 就要同班fd say goodbye啦
果下....真係幾難受
雖然大家會再見 但我總係唔鍾意分開既感覺
特別係大家一齊左5日啦已經
同埋到左最後呢兩日熟左好多 好鍾意大家一齊既感覺
所以/__\i'll miss you guys
開車走lu oh/__\無啦啦有車坐既感覺好怪
有冷氣既感覺好怪呀 凍到我想閂晒d冷氣佢
去到麥邊轉小巴番大學 之後再由大學坐火車番粉嶺
一路既感覺都好奇怪 d石屎地好奇怪呀
番到粉嶺 因為兩隻腳都生左幾隻水泡
所以都係搭車番屋企好d 上車果下/__\好難受
終於番到屋企樓下 行行行 行得勁慢咁@@
之後搭lift上到去我既27樓 一開lift門....
我唔記得左我應該點行....sosad/__\
幾經辛苦終於番到屋企啦~~~~~~XD
番到去執晒d野出黎@@亂到呢....
唔該晒媽媽幫我洗晒d衫褲-v-
我果對鞋.../__\俾媽媽望完我就拎左去dum啦
之後我好慢咁食飯 好慢咁沖涼洗頭
好慢咁用左陣電腦 好慢咁同agnes傾電話
之後就去左訓教啦~~~~~~其實呢晚都訓得ok
但之後果幾晚就係咁發夢自己仲響ob
黑媽媽仲不斷咁行緊山 同埋我不斷咁嗌住scott既人名@@
睇黎我真係太掛住大家啦.__.i miss you~
好彩出到黎之後可以搵番晒大家拎contact~~
到宜家都仲係咁同大家傾msn/skype~
---
好 5日既記敘到呢到就大約完啦
當然 有好多野發生左但我無打到出黎
有d可能係我已經唔記得左/__\
但 我會盡可能諗番起晒佢地
因為我真係好重視好珍惜今次既ob
我真係好鍾意scott 好鍾意scott既咁多個呀!
雖然nicky你黎緊要去英國
但我唔會放過你嫁~我點都會捉住你同你傾計嫁!
你唔准話我煩 唔准成日唔睬我呀生野!!=D
--
有d好笑野我想再講多次~~
*flash forward既2分17秒變左2分15秒/2分45秒
*house既醫神變左神醫
*野紅茄變左紅番茄(雖然呢個我都試過~)
*無啦啦係nicky好大力咁打落黎我到/__\
*nicky負責試生水/熟水=P
*nicky係道友 哈哈
*哈哈 唔記得左幾時 neo同kin無啦啦響到跳sorry sorry 不過甩晒beatXD
*哈 我想講neo話佢識煮野食但咁多日黎我都無乜見過佢煮=P
--
有d難忘野我想再講多次~~
*隻鞋兩個底都爛晒 好彩佢仲有少少鞋底
*有諗過唔要d鞋底 差d搞到要赤腳行
*落大斜路果時我仲以為我會訓低/__\
*我已經成功唔怕黑啦
*每人要帶一個4L既水桶再加一個1L水樽
*原來一個青年人可以揹自己體重1/5既袋
*結果我就揹左一個大約15kg既袋(<<岩岩先發現原來我個袋過重!?)
*每次食野之前都有一個moment of silence(其實我自己每次都好鍾意呢個moment,
因為我地會拖住隔離果個人隻手,我覺得我既feeling同其他人既feeling都可以pass到~
--
有d野我想再多謝一次~~
*lars同ody靜靜地幫我地做左好多野
*多謝SCOTT既咁多位
--
有d開心野我想再講多次~~
*3個月後封信就會寄到黎啦!!!
*我地黎緊8月2去op~雖然唔齊人/_\
*我地黎緊會幫nicky搞farewell~~
--
有d陰公野我想再講多次~~
*個個拎完我頭燈又唔幫我照埋
*我已經習慣左踢下踢下咁自己一個黑媽媽自己行
*我諗我以後都係唔好同前面既人行得咁近@@第3晚成日俾neo推開既野反彈到撞到我個額頭超痛/__\
同埋第4日下晝nicky都係一路推開d野一路反彈晒去我到=_=
*每次做親正經野既時候個天就落雨/__\
*成個trip都未試過有一次係on time既 除左last day沖涼果次
--
有d其他野我想講埋出黎~~
*喂nicky你差我錢呀!!!
*真係完全唔知有過黑雨-_-
*其實我真係覺得我好有潛質去搵野嫁~因為個trip入面我幫手搵到個水樽/罐午餐肉~
--
有d感受我好想講出黎~~
*唔知大家會唔會覺得我成日都好煩好多野講 但其實我真係care大家 驚大家有事嫁喳
成日問你地得唔得 真係想知你地得唔得 雖然問完都未必幫到你地好多
但我之後會多d take care你 多d休息下 因為我希望大家都可以係辛苦既同時又開心
或者我又成日問你地會唔會個袋好重 但其實我又未必幫到你地袋d野
但我問完就係想大家可以互相幫下手 如果我個袋有位既 我一定會幫你地袋d野
因為我真係唔希望大家太過辛苦呀
*多謝ivey 同我共同進退左咁多日 我可能未必可以好照顧到你 但我真係有盡力去照顧你嫁!
我知我好多時都未必take care到你 但我都會盡量響我搞掂我自己d野之前幫左你先:)
*多謝neo 呢幾日係咁煩住你=P同埋好多時夜晚行既時候我地咁岩都係行前後 唔該晒你take care我
*多謝nicky 呢幾日係咁俾歡樂我:)同埋過river既時候你都幫左我好多
*多謝andrew 呢幾日日日都要你煮野食真係辛苦你啦 同埋多謝你咁take care大家
*多謝kin 果晚行10個鐘真係辛苦你去搵路啦 我知你好辛苦同唔開心 但你都好努力!
*多謝justin 雖然途中有同你嘈過 但果晚同你傾計真係好開心
同埋多謝過river果晚你肯聽我講咁多野
*以下既內容我希望大家會睇 但可能會令大家唔開心(!?)
我都唔知 但呢d係我既感受
開心既野講完 其實都有一d令我失望既野
呢d野可能我無同過任何人講 但係佢地響我個心到好想講出黎
其實過左成個camp我覺得自己大個左好多
因為響個camp入面我主要都係做緊take care人地果個
好多時我都可能表現到我係一個好獨立既人
雖然我係一個女仔 但好多時我都未必要人幫我好多野
反而有時仲去幫番ivey同d男仔
但係其實有時我都想有人可以黎主動幫我嫁
我都想有人可以俾隻手我扶一扶 拉一拉我
攬下我<<就好似我俾support ivey果時咁
又或者響我好支力好唔開心既時候有人可以拖一拖住我
同我細細聲講一句加油或者鼓勵既野
姐係雖然我係一個比較堅強既女仔
但我都真係想有人可以多d去照顧我嫁
不過我諗你地班男仔都係唔明嫁啦/__\
身為一個女仔 有時有好多野都唔想做到太獨立
但係當你地班男仔唔去幫我做 唔主動去做既時候
我就只可以變得堅強d 有幾支力都要撐落去
但係我個心都真係唔太好受
同埋好彩既係我挨得過呢5日而我係開心既
但如果唔係我估我會唔開心好耐/__\
姐係其實有時我希望我可以做番一個普通d既女仔/__\
****唉 但其實有好多感受其實好難講出黎or講唔到出黎
所以一切都係盡在不言中啦~
| | |
| ENG:
-1 NA (2/9/10)
-log book A(reading) **4 book reports (19/8)
-log book B(popular culture) (19/8)
-3 listening ex.(2/9/10)
-preparatory work for summer classes
-->read pop. culture unit 5
-->advertisement powerpoint(4/8)
-4 reading mock tests(2/9)
-OLE self- reflection (300words)(19/8)
-read ANNE FRANK
CHI:
- 3篇reading ex. (10/8)
- 人物專訪 (2/9)
- 5個book report (2/9)
MATHS:
-self study
-->read book 5A Ch.1
-->do ch.1 ex.(single-line paper)(3/9/10)
-revision
-->MC ch.2(1-83)/3(1-34) (2/8/10)
-->MC ch.11(1-122)/13(1-81) (3/9/10)
LS:
-延伸回應題(19/7/10)
-IES
-field trip project(20/8)
-做概念
-做網上新聞
GEOG:
-Geog Ex. P.31,35 (17/8)
-Quiz (P.36-47)
HIST:
-DBQ & Essays(Theme A Book 1)(whole book)
BAFS:
-Whole Set of Accounts-Beauty Full Company
-Exercises(Q1-8)
| | |
| 唔知點解每年睇sytycd都會搞到我喊
今年仲要唔係第一次喊啦
琴日 朝早未番學之前睇左陣sytycd啦
原來alex rehersal既時候傷左
我希望佢可以無事 繼續比賽啦
點知今日佢都係跳唔到
因為佢真係傷得好嚴重
結果 佢都係要退出呢個比賽
好彩既係佢出年可以番黎再比賽過
唔開心既係 響上年season5既時候
佢已經因為contract問題而本身入左top20但都要退出
苦等左1年+2個season
心諗今年終於都可以正正式式咁參加個比賽啦
點知又響rehersal既時候受傷
其實佢今年雖然只係跳左3個星期
但佢所跳既每一隻舞都真係跳得好
身為一個ballet dancer
佢跳contempotary/broadway
甚至hip hop 佢都唔比任何一個人遜色
唉 頭先聽到佢要withdraw果刻真係超級難受
眼淚忍唔住流出黎
因為我真係好鍾意佢
佢放棄左佢響miami ballet既一切黎參加比賽
但因為受傷 佢要停跳舞3個月
仲要等到下年先可以再黎過sytycd
我真係好希望如果佢無受傷就好啦
因為今屆 我真係覺得alex值得贏 值得大家既支持
good luck alex wong!
| | |
|
!!